Léttur 2001

Hið árlega nýárspartí var haldið heima hjá Önnu Tryggva 13. janúar 2001. Konur mættu með ýmislegt góðgæti að heiman, drukku í hófi og sungu af hjartans list.
Vorönn hófst 16. janúar. Örfáar nýjar konur bætast í hópinn, þó nokkar hafi einnig hætt.
​
Léttsveitarkonur eru þetta vorið 110 talsins.
​
Fréttatilkynningar & umfjallanir 2001
​
​
 
Föstudaginn 2. mars var árshátíð Léttsveitarinnar haldin í Agoges-salnum, Sigtúni 3. Hljómsveitin Nátthrafnar lék fyrir dansi og ýmis skemmtiatriði voru í boði.

Vortónleikar

Vortónleikar Léttsveitar Reykjavíkur sem báru yfirskriftina "Suður um höfin" voru haldnir í tónlistarhúsinu Ými, Skógarhlíð 20, á sumardaginn fyrsta 19. apríl kl. 20.00, laugardaginn 21. apríl kl. 17.00 og þriðjudaginn 24. apríl kl. 20.00.
Efnisskráin var suðræn og spænsk í bland við íslensk og ensk lög. 4KLASSÍSKAR komu fram með kórnum. Auk þess spiluðu með okkur hljóðfæraleikararnir, með píanóleikara Léttsveitarinnar í broddi fylkingar, Einar Kristján Einarssson, gítar, Kristinn Árnason, gítar og Jón Skuggi, bassi. Á slagverk spilaði Stína bongó, sem er ein Léttsveitarkvenna og einsöng söng Ása Bjarnadóttir, einnig í Léttsveitinni.

Léttsveitin kom fram í nýjum kórkjólum á vortónleikum sínum. Kjólarnir eru hannaðir af Elínu Eddu Árnadóttur, búningahönnuði hjá Þjóðleikhúsinu.
Tónleikarnir voru hljóðritaðir fyrir Léttsveitarkonur til hlustunar.

Efnisskrá tónleikana 

Léttsveitin fór í ferð til Grundarfjarðar og Stykkishólms 5.-6. maí 2001.

Í Stykkishólmi söng Léttsveitin fyrir utan veitingastað fyrir fjölmarga áhorfendur. Snæddur var hádegisverður um borð í Særúnu og síðan haldið á Grundarfjörð. Þar hélt Léttsveitin tónleika með Lögreglukór Reykjavíkur í Grundarfjaðarkirkju. Húsfyllir var á þessum tónleikum og tókust þeir afar vel. Gist var á Hótel Framnesi í Grundarfirði, snæddur kvöldmatur og síðan sungið í karókí fram eftir nóttu, dansað og drukkið.
Á sunnudeginum var haldið heim á leið, en u.þ.b. 25 konur létu sig hafa það í brjáluðu veðri að fara í siglingu um Breiðafjarðareyjar. Þessi ferð var eins og allar aðrar ferðir sem Léttsveitin hefur skellt sér í, meiriháttar skemmtileg.

Vorönn lauk með slútti í Ými þriðjudaginn 8. maí.
Allar konur komu með eitthvað smáveigis til átu og síðan var sungið og farið með gamanmál af ýmsu tagi. Ingibjörg Péturs samdi skemmtilegan brag um ferðina til Grundarfjarðar og Stykkishólms.

Bragurinn hennar Bimbu 

Léttsveitin söng á tónleikum Lögreglukórs Reykjavíkur í Seltjarnarneskirkju 19. maí.

Haustönn hófst 11. september, daginn sem heimurinn breyttist.